الزواج_هل_هو_نصيب_أم_إختيار
كلام عميق ياريت نركز .. واقرأ للاهمية :) ربنا يرضى عنك
أولا القضاء والقدر خمس درجات
1.. التقدير الأزلى العام ( و هو كل ما كتبه الله على الكائنات فى اللوح المحفوظ حاجة كده زى الداتا ( الهارد) اللى فيها كل المعلومات الإجمالية عن كل المخلوقات حتى يوم القيامة ونركز هذا لا يبدل فيه القول
2-- التقدير الميثاقى وده بقى اللى أخذ ربنا فيه على بنى آدم الميثاق فيه لما قال فى القرآن "ألست بربكم قالوا بلى" وهما فى عالم الذر ( يعنى لسه متوجدوش اساسا ) عشان كده النبى قال كل مولود يولد على الفطرة يعنى عارف ان هناك خالق
ليه؟؟؟؟عشان قبل ما يخلق أصلا ربنا أشهد بنى آدم على أنفسهم أنه خالقهم
أول تقديران دول مفهمش تغيير ولا محو ولا إثبات
3-- التقدير العمرى يعنى إيه بص ياطيب الجنين فى بطن أمه يرسل الله له الملك فى يومه الأربعين يكتب عمره ورزقه وشقى وألا سعيد ( ده اسمه التقدير العمرى وبيبقى للعمر كله
4-- التقدير السنوى وده بقى بيبقى كل سنة وبيبقى فى ليلة القدر !!! إشمعنا ؟؟ ربنا قال ( فيها يفرق كل امر حكيم ) يعنى يبين فيها من اللوح المحفوظ كل ما هو كائن من الأرزاق والأعمار
5- التقدير اليومى وده الأخير -- ربنا سبحانه بيكتب كل شىء قبل صلاة الفجر عن اللى هيتم فى اليوم ده
( قال تعالى ..كل يوم هو فى شأن ) :)
دول خمسة بالتمام ...ماشى ياعم :)
أول أتنين مينفعش نبدل فيهم أبدا
أخر تلاتة ينفع يتغير فيهم :) يعنى إيه
هقولك " النبى قال "من أراد أن ينسىء له فى رزقه يعنى يزيد فليصل رحمه
ياعم مش الرزق ده مكتوب عليا إزاى هيزيد
هنا بقى فى حاجه أسمها تسجيل معلق :) اللى هو زى الرزق
العلماء بيقولوا إن الرزق رزقان ." رزق ثابت ورزق متغير "
الرزق الثابت ده بيببقى لكل الناس المسلم والكافر والطير وكله كله
الرزق المتغير ده عامل شبه الحوافز اللى بتضاف للموظف على المرتب الاساسى ( اللى هو الرزق الثابت ) لأنه متميز او لإنه أشتغل وإجتهد أكتر والزيادة بتبقى من اختيارك لان ساعات العمل مثلا 8 ساعات انت عاوز اضافى فده إختيارك عشان كده أخدت حوافز زيادة
انت بقى ف الجواز عاوز واحد جميلة مثقفة اخلاق وعندها شقة وكمان تصرف عليك هتلاقيها وهيبقى انت اللى إخترتها
طيب انت بتقول يارب عاوز زوجة صالحة هتلاقيها برضو وانت اللى هتبقي اختارتها
وبص للآية دى وافهمها " إن الله لا يغير ما بقوم حتى يغيروا ما بأنفسهم ( المسألة فيها إختيار ) عاوز ربنا يغير ويبدل الشر بالخير لازم انت تبدا بنفسك وبدايتك بتبقى من إختيارك
واحد يقولى لا ده اللقا نصيب هقوله
أنت خارج من بيتك رايح للجامع ..هتلاقى واحد شبهك رايح الجامع
رايح كباريه !! هتلاقى واحد كده ؟؟ برضه
تيجى تقولى طيب ما انا ممكن ادور على واحدة صالحة واخدها تطلع عكس كده خالص ..
هقولك إن دى استثناء سببه ابتلاء ربنا ليك
فانت مخير فى الدنيا ولست مسير وكل شىء فى الحياة هو من إختيارك
أنت مجبر فقط فى لون بشرتك مجبر انك مخترتش ابوك وامك ، فى دقات قلبك وهكذا
:) ياريت تكون وصلت ..اللى حابب الاستزادة ..يقرأ عن مراتب القدر
